PARA SA MASAsayang ate ko

More than Santa Claus, your sister knows when you've been bad and good.

~Linda Sunshine

Yan ang tatlong ate ko. Sila ang mga kaaway ko sa kuwarto, sa gawaing bahay, sa pera, sa attention, sa telepono, sa internet, sa gamit, sa higaan, sa TV, sa radio, at sa pagkain. Nung bata ako, madalas nila akong pagtulungan. Siyempre, only boy ako, tapos bunso pa, kaya wala silang laban sa akin pag nag sumbong na ko. haha. Selos lang nila sa akin.


Pero siyempre di naman lahat ng memories namin pangit. Madalas din naman kaming magkakasama. Iba iba nga lang talaga ng trip kaya nga expression namin sa bahay na walang basagan ng trip.

ito ay para sa mga masa
sa lahat ng nawalan ng pag-asa
sa lahat ng ng aming nakasama
sa lahat ng hirap at pagdurusa

Ang panganay sa bahay, si Ate Gianne, 25. Jeruby Anne De Padua buong pangalan niya, Je galing sa palayaw ni mama na Jerry, Ruby yung name ni mama kaya naging jeruby. Kung may medyo pasaway talaga sa pamilya, siya na yun. Siyempre blog ko to kaya di pwedeng ako. Pareho kami ng pinasukang elementary, high school niya sa Mary Help of Christians School, college niya sa Adamson University, BS Computer Engg. Madalas kasi siya yung sumisira ng trip ng lahat. Sobrang insensitive. Pero nung pumasok na siya sa air force, umayos na siya kahit papano. Air Force na rin siya tulad ni papa. Wala siyang syota, baka nga maunahan ko pang siyang mag asawa.



Kung may natutunan man ako kay ate, yun ay yung wag masyadong magpapa alipin sa sinasabi ng iba, totoo na what others say matters pero di naman lahat ng sasabihin nila tungkol sa iyo e yun ka na. Naniwala na rin ako sa powers ng dedma dahil sa kanya. Wala kasi siyang pakialam kung ano sabihin ng ibang tao sa kanya. Matapang kasi siya. Di katulad ko. Dami niyang napag daanan. Malamang kung ako yun, wala na ko sa mundo.

naaalala niyo pa ba
binigyan namin kayo ng ligaya

ilang taon na rin ang lumipas
mga kulay ng mundo ay kumupas
marami na rin ang mga pagbabago
di maiiwasan pagkat tayo ay tao lamang

Ang susunod naman, si Ate Inez, 23, siya yung nakabrown na polo shirt. Caridad Inez De Padua. Malas niya dahil ganyan ang pangalan niya. Haha. Pero suwerte siya dahil paborito siya ng mga matatanda sa both sides ng parents namin. Malambing kasi, tsaka maganda daw. Haha. Pareho kami ng pinasukan nung elementary, Mary Help rin siya nung high school, at St. Paul University-Manila nung College, BS Psych. Siya yung pinala mabait para sa akin. Mabait naman talaga pag meron siya.



Siya rin yung pinaka may topak. Sobrang pikon at sensitive din. Ayaw niyang napapagalitan. Pero di katulad ng childish naming panganay, siya naman, may sense of responsibility. Yun ung natutunan ko sa kanya. Di rin siya madamot, kung anong meron siya, ibibigay niya. Ganun siya kabait sa amin.

mapapatawad mo ba ako
kung hindi ko sinunod ang gusto mo
pinilit kong iahon ka
ngunit ayaw mo namang sumama

At lastly, si Ate Jika, 20, Jerika Gayna De Padua. Siya naman ang pinakamaraming jokes sa bahay. Makulit pero masipag. Daddy's girl siya, kung ano yung gusto niya nakukuha niya. Ako ang pinaka kaaway niya, magkasunod kasi kami e. Pareho kami g pinasukang elementary school, nung high school, pareho din kaming galing sa Special Science Class, kaya nga lagi kaming sabay pumasok sa school kahit lagi siyang late. Ngayon, graduating siya ng BS Nursing sa Angeles University Foundation.


Siya lang yung nag aral sa Pampanga ng college, mabarkada kasi siya kaya ayaw nilang isabak sa Manila. Kaya ngayon, lahat ng perks ng bahay, sa kanya napupunta. Pinagseselosan ko siya madalas. Alam kong ganun din siya sa akin. Wala kong natutunan sa kanya bukod sa mga jokes niya. Joke! Haha! Siya kasi yung pinaka mapagkakatiwalaan mo pag may sikreto ka, di siya mag susumbong kahit kanino pa. Madami din kaming pinag daanan ng magkasama, lalo na nasa isang HS lang kami. Di nga alam ng mga teachers namin na mag kapatid kami hanggant di pa ko umabot ng 2nd year.

ito ay para sa mga masa
sa lahat ng binaon ng sistema
sa lahat ng aming nakabarkada
sa lahat ng mahilig sa labsong at drama
sa lahat ng di marunong bumasa
sa lahat ng may problema sa skwela
sa lahat ng fans ni sharon cuneta
sa lahat ng may problema sa pera
sa lahat ng masa

huwag mong hayaang ganito
bigyan ang sarili ng respeto

Habang lumalaki ako sa piling ng tatlo kong ate, mas naapreciate ko yung role ng mga babae. Mas napahalagahan ko sila, kaya nga wala akong relationship na hindi serious. Ayokong mangyari sa kanila yung lokohin kung manloloko ako. Masaya silang kasama, yun nga lang naghahanap rin naman ako ng kuya o kapatid. Wala akong nahihiraman ng damit at mga gamit. Wala akong kasama pag umiinom at wala akong sasabihan pag problema sa babae. Pero nonetheless, di ko naman kayang ipagpalit tong tatlong ate ko. Kundi rin dahil sa kanila, di ako ganito.