SEMBREAK at ang orgmates

Some people go to priests; others to poetry; I to my friends. ~Virginia Woolf

Ang UP life ko ay hindi kumpleto kung wala ang organization na ito. UP Aguman. Grupo ng mga Capampangan.

dear kim kamustang bakasyon mo
ako heto pa rin nababato
bad trip talagan t'tong Meralco
bakit brownout pa rin dito

Wala akong dugong Capampangan. Si mama, ilocana. Si papa, zambal. Pero ako, capampangan.

walang silbi sa bahay
kundi bumabad sa telepono
o kaya'y kasama ng barkada
nakatambay sa may kanto

Itinuring ko ng adopted son ako ng Pampanga. Sa 19 na taong inilagi ko doon, malamang matututo talaga ako ng capampangan. Kaya naman napabilang ako sa UP Aguman.

naalala kita pag umuulan SEMBREAK
naalala kita pag giniginaw SEMBREAK
naalala kita ilang bukas pa ba
bago tayo ay magkita
ako'y naiinip na bawa't oras binibilang
sabik na masilayan ka

Masaya maging Agumem. Madaming perks dahil mahirap yung pinagdaanan nung application process. Pero kapag member ka na, ayos na lahat. Ikaw na ang hari o reyna ng tambayan nun.

sira pa rin ang bisikleta
may gas wala namang kotse
naghihintay ng ulan
basketball sa banyo

Pero bakit naging malapit ako sa mga agumems? Bukod sa masaya silang kasama, matino silang makitungo. Tapat sila sa yo at alam nila kung saan sila lulugar. May tiwala sila sayo at naniniwala na kaya mong maging productive.

sana ay may pasok na para at least
mero'n ng baon
cutting classes dating raket
rock and roll buong taon

Madalas kong kasama ang mga agumems. Kahit sembreak, sila kasama ko. Madami kaming activities na pinagsasamahan. Pautakan, Sining, ACLE, CEER at iba pa.

walang kayakap kundi gitara
nangangati sa kaiisip sa 'yo
hanggang sa mabutas 'tong maong ko
tsaka bibili uli ng bago

Naging officer na rin ako sa aguman. Naging project head at committee head. Na meet na rin namin ang mga alumni ng org.

hanggang dito na lang ang liham ko
salamat sa atensyon mo
tsaka na lang pala ang utang ko
pag nakagkita na lang uli tayo

Masaya ang college life ko dahil sa Aguman. Di nila ako itinuring na iba. Kahit di ako dugong Capampangan, mananatili pa rin akong Capampangan buong buhay ko.