MINSAN - kamalayan at kalayaan

"When the world tries to be outstanding,
we are the standards"

Noong nasa 4th year ako, inisip ko na kung saan ako mag aaral - UP, Ateneo, UST. Pumasa ako sa tatlong yan, 2 diyan full scholar pa ko pero tumuloy ako sa naiba.


Obviously, pinili ko ang UP. Di ko alam kung tama pero di ko pinagsisihan na nandito ako ngayon. Pero, ano ba ang naging epekto ng UP sa akin?

minsan sa may kalayaan tayo'y nagkatagpuan
may mga sariling gimik at kaya-kanyang hangad sa buhay
sa ilalim ng iisang bubong
mga sekretong ibinubulong
kahit na anong mangyari
kahit na saan ka man patungo

Dahil sa UP, natuto akong maging madasalin. Ipinagdadasal ko na walang pasok, walang prof , o kaya may walk out. Kung mababasa ng math prof ko ito, isa siya sa mga ipinagdasal ko ng mabuti. Alam niya na kung bakit.


Dahil sa UP, natuto akong maging independent lalo. Musta naman pag enrollment, san ka mag dedepende, sa CRS? Asa pa. Di na rin ako gahaman sa pagpapakopya at pangongopya.

ngunit ngayon kay bilis maglaho ng kahapon
sana'y huwag kalimutan ang ating mga pinagsamahan
at kung sakaling gipitin ay laging iisipin
na minsan tayo ay naging
tunay na magkaibigan

Dahil sa UP, natutunan ko na may mas mahalaga pa kaysa sa grades. Hindi nasusukat ang natutunan ng tao sa mga gradong ibinibigay sa yo. Bagkus, isa lamang itong repleksyon ng iyong natutunan batay sa standards ng prof mo.


Dahil sa UP, ang kape nagiging juice na. Ang pagkain ay essential. At ang tambayan ay ang sagot sa pagkainip.

minsan ay parang wala nang bukas sa buhay natin
inuman sa magdamag na para bang tayo'y mauubusan
sa ilalim ng bilog na buwan
mga tiyan nati'y walang laman
ngunit kahit na walang pera
ang bawat gabi'y anong saya

Dahil sa UP, ang math naging mahirap. Di naman ganito yung math dati. Nag evolve na pala siya.


Dahil sa UP, natutunan ko na ang pagtulog ng 4 hours ay isang luxury. Lagi akong puyat.


Dahil sa UP, naging bukas ang kaisipan ko sa lahat ng mga nangyayari sa bagay bagay. GUsto kong mag rally minsan pero patay ako sa papa ko pag nagkataon.

minsan ay hindi ko na alam ang nangyayari
kahit na anong gawin
lahat ng bagay ay merong hangganan
dahil ngayon tayo ay nilimot ng kahapon

Dahil sa UP, nalaman ko na totoong may paddle at hazing, maraming naeengganyo pero hindi ako. Tatay ko na lang daw papalo sa kin.


Dahil sa UP, natutunan kong di lang ako ang naghihirap para pumasa. Lahat pala.

di na mapipilitang buhayin ang ating pinagsamahan
ngunit kung sakaling mapadaan baka
ikaw ay aking tawagan
dahil minsan tayo ay naging
tunay na magkaibigan

Dahil sa UP, nag bago ang tingin ko sa Pilipinas. Nagbago ang tingin ko sa lipunan. Nagbago ang tingin ko sa sarili ko.